1. Басты
  2. Біл
  3. Оқиға
  4. Тосын жай

Алматыда көлік асқан жылдамдықпен балалар алаңыңа соғылды08 тамыз 2018, 09:29

Алматыда екі достың өзара автожарысы жол-көлік оқиғасымен аяқталып, салдарынан автокөліктің біреуі жолдың арғы бетіне шығып кетіп, балалар алаңына соғылып қалды. Бұл туралы СТВ арнасының "Территория происшествий" бағадарламасы хабарлады. 

Жол-көлік оқиғасы Саин көшесінің солтүстік бағыты мен Ұлықбек көшесіне жетпей болған. 

Куәгерлердің айтуынша, екі дос өзара жарысқан. Toyota Camry жүргізушісі солтүстік бағытқа қарай өте жоғары жылдамдықпен жүрген. Алда келе жатқан автокөліктен озуға тырысып, Toyota Windom келе жатқан ортаңғы жолға шыққан. 

Camry көлігі Windom-ді соғып, салдарынан артта келе жатқаны ағаш жаққа қарай жүріп кеткен. Көлік арықтан асып, балалар алаңына соғылған. 

Салдарынан үш адам зардап шегіп, Camry жүргізушісін жедел-жәрдем қызметкерлері қарап шықты. Екеуінің жағдайлары қанағаттанарлық болғандықтан, ауруханаға жеткізілген жоқ. Windom автокөлігінің жүргізушісі түрлі жарақатпен ауруханаға жеткізілді.

Істің мән-жайын полиция қызметкерлері анықтап жатыр.