Алматыда құзырлы орган қызметкерлері қарсы бағытпен жүре береді

23 Сәуір 2014, 17:30
0
Алматыда құзырлы орган қызметкерлері қарсы бағытпен жүре береді - Бейнерегистратор кадры. ©Youtube.com
Бейнерегистратор кадры. ©Youtube.com

Алматыда прокуратура органы қызметкерінің формасын киген ер адам қарсы бағыттағы жолға шығып кеткен, - деп хабарлайды AutoLafa.kz. 

Жарияланған ақпаратқа қарағанда, оқиға 7 сәуір күні Жангелдин көшесінде болған. 797 RBA 02 деген мемлекеттік нөмірі бар қара түсті Mercedes-Benz арнайы дабыл жүйесімен жабдықталған.

Куәгердің айтуынша, ол қарсы бағытқа шығып кеткен жүргізушіге жол бергісі келмеген. "Мен оны өткізбедім, бұл оның наразылығын туғызды. Жол қозғалысы ережесі барлық адамға бірдей емес пе?", - дейді Әлішер Гарретт есімді жүргізуші. Келесі бір бейнежазбадан қарсы бағытқа шығып кеткен адамның бейнерегистраторға түсірушіні боқтап жатқанын көруге болады. Ол өзін "комитет қызметкерімін" (ҰҚК - авт.) деп таныстырған. 

Қазақстан үшін жолдарда қарсы бағытқа шығып кету сирек кездесетін заңсыздық емес. Мұндай оқиғаның соңғы рет 17 ақпанда тіркелгені белгілі. 18 жастағы қыз ағасының автокөлігіне отырып, оны жүргізуші куәлігінсіз басқарған, онымен қоймай, Жандосов көшесінде қарсы бағытқа шығып алған. Қарсы бағыттағы көлік иелерінің өзін өткізіп жібермегені қыздың ашуын келтірді. Ереже бұзған қыз кейін әкімшілік жауапкершілікке тартылды.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай