+7 (777) 001 44 99
ПОДЕЛИТЬСЯ
Алматыдағы медициналық орталықтардың бірінде болған өрттен 30 адам эвакуацияланды, - деп хабарлайды Tengrinews.kz тілшісі Алматы Төтенше жағдай департаментінің ресми өкілі Сандуғаш Баймұхамбетоваға сілтеме жасап.
Алматыдағы медициналық орталықтардың бірінде болған өрттен 30 адам эвакуацияланды, - деп хабарлайды Tengrinews.kz тілшісі Алматы Төтенше жағдай департаментінің ресми өкілі Сандуғаш Баймұхамбетоваға сілтеме жасап.
Бүгін таңғы сағат сегізде Алматының Алмалы ауданында орналасқан емдік-диагностикалық орталығы ғимаратынан өрт шықты. Бұл кезде ғимаратта мекеменің қызметкерлері мен келушілері болған.
"Өрт медициналық орталықтың екінші қабатында орналасқан тіс емдеу бөлмесінен шыққан. Ғимарат бес қабаттан тұрады. Өрт сөндіру кезінде қатты түтіндеу болды. Құтқарушылар 30 адамды эвакуациялады", - деді Сандуғаш Баймұхамбетова.
Ол өрттің екі минут ішінде өшірілгенін айтты. Өрттен зардап шеккендер жоқ. Қазір мамандар өрттің шығу себебін анықтап жатыр.
