Алматыда монша кешені өртенді

09 Желтоқсан 2019, 08:57
0
Алматыда монша кешені өртенді -

Алматыда ірі өрт шықты. Нұр Алатау шағын ауданындағы монша кешенінен өрт шыққан, - деп хабарлайды СТВ арнасындағы "Территория происшествий" бағдарламасының тілшісі.

Оқиға орнына жоғары деңгейлі шақыру бойынша күштер мен құралдар тартылған. Қабылданған шаралар арқылы өртсөндірушілер жеке сектордағы тұрғын үйлерді құтқарып үлгерген.

Алдын ала мәліметтер бойынша, өрт алаңы 200 шаршы метрге жеткен. 

Алматы ТЖД баспасөз қызметінің нақтыланған ақпараты бойынша, "Литтл Таун" монша кешеніндегі өрт туралы хабарлама 00.55-те келіп түскен.

"ТЖД күштері мен құралдары "Нұр Алатау" шағын ауданына жоғары деңгейлі шақырту дәрежесі бойынша шықты. Өрт сөндіру есептері 30 метр көріну кезінде қалың тұманмен жоғары көтерілді. Бірінші бөлімшелер келген соң жалын ағаш кебінен жасалған "Литтл таун" екі қабатты ғимаратты шарпып, екінші қабаты құлаған. Монша кешенінің аумағында қалған екі құрылысқа өту қаупі туындады.

Екі жауынгерлік учаске өртті сөндіруге тартылды, өрт сөндіру оқпандары берілді, құтқарушылар сондай-ақ жақын маңдағы екі ғимаратты қорғауға кірісті, екі магистральды желі салынды. Өртті сөндіру сумен жабдықтау көздерінің жоқтығынан қиындады.

Шақырту кезінде диспетчерлер 1 200 метр қашықтықта өрт гидранттарының қашықтығын анықтады, осыған байланысты құтқару қызметі мен "Алматы Су" су тасымалдайтын екі көлігі жұмылдырылды", - деп хабарлады ТЖД өкілдері.

Қабылданған шаралармен монша кешенінің екі ғимаратын өрттен аман алып қалу мүмкін болды. Өрт 39 минутта оқшауланып, 02.45-те 200 шаршы метр аумақта жойылды. ТЖД мен ПД-ның өзара әрекет ету қызметтерінің жеке құрамынан 60 адам, 15 дана техника жұмылдырылды.


Суреттерді "Территория происшествий" бағдарламасының тілшісі түсірген

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай