Алматыда өртті түсіру кезінде Tengrinews TV операторына шабуыл жасалды

29 Шілде 2014, 19:41
0
Алматыда өртті түсіру кезінде Tengrinews TV операторына шабуыл жасалды - Tengrinews TV операторы Юрий Съедин. ©Тengrinewstv.kz
Tengrinews TV операторы Юрий Съедин. ©Тengrinewstv.kz

Алматыдағы өртті түсіруге барған Tengrinews TV операторы жәбір көрді, - деп хабарлайды Tengrinews.kz тілшісі.

Бір топ журналист Рысқұлов даңғылында шамамен 15.30-да басталған өртті түсіруге барған. Өрт құрылыс материалдарын шығаратын Galaksi Group компаниясының қоймаларында тұтанды. Оқиға орнына бірнеше БАҚ өкілдері де барды. 

Өрт болған жерге түсірілім тобы кедергісіз кірді, бірақ сыртқа шығу қиын болды. Tengrinews TV операторы Юрий Съедин сыртқа шығып бара жатқан кезде қауіпсіздік қызметкерлері есікті жауып, түсірілген барлық материалдар мен видеокамераны тартып алуға тырысты. Күзетшілердің бірі операторды қылғындырды. Ал оның қасында тұрған, өзін заңгермін деп таныстырған әйел Съединнің қолынан тістеп алды. 

Әріптестері Tengrinews TV операторын босатып алып, қоршаудан алып шықты. Съединнің білегінде тістелген жарақаттың орны қалды. БАҚ өкіліне шабуыл фактісі бойынша Tengrinews TV және оператордың өзі құқық қорғау органдарына арыз жазды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай