1. Басты
  2. Біл
  3. Оқиға
  4. Тосын жай

Алматылықтар таңға жуық жер сілкінісін сезді

Алматыда жер асты дүмпулері сезілді, - деп хабарлайды Tengrinews.kz тілшісі Алматы ТЖД-ға сілтеме жасап.

Жер сілкінісін жергілікті уақыт бойынша 03.49-да "ҚР БҒМ ҒК СТӘЭ" ММ сейсмикалық станциялар желісі тіркеген. Хабарланғандай, жер сілкінісінің эпицентрі Алматыдан шығысқа қарай 140 шақырым жерде, Қазақстан аумағында орналасқан.

"Жер сілкінісінің энергетикалық класы - 14,0. Магнитудасы - MPV 5,5. Тереңдігі - 10 шақырым. Сезілуі туралы мәліметтер (МЅК-64 шкаласы бойынша): Саты кенті - 3 балл, Алматы - 2 балл", - делінген хабарламада.

Алматы қаласы Төтенше жағдайлар департаменті жергілікті атқарушы органдарға, прокуратураға, Қазселденқорғау және басқа да ұйымдарға хабарландыру жасаған.

"ПД ЖБО-ның деректері бойынша зақымдану мен қирау деректері анықталған жоқ.

"Қазселденқорғау" мәліметінше, гидротехникалық құрылыстарда, көшкін қаупі бар және сел қаупі бар учаскелерде деформация, шөгу және жарықтың пайда болуы анықталған жоқ", - деп хабарлады ведомстводан.