22 маусым 2015 14:43

"Артем" базарының маңында болған жаппай төбелес: ІІМ үш қылмыстық істі тергеп жатыр

ПОДЕЛИТЬСЯ

© Тengrinews.kz © Тengrinews.kz

ҚР ІІМ Астанадағы "Артем" базарының маңында болған жаппай төбелеске қатысты үш қылмыстық істі тергеп жатыр. Бұл туралы ОКҚ-да өткен брифинг барасында ведомствоның басшысы Қалмұханбет Қасымов мәлімдеді, - деп хабарлайды Tengrinews.kz тілшісі.


ҚР ІІМ Астанадағы "Артем" базарының маңында болған жаппай төбелеске қатысты үш қылмыстық істі тергеп жатыр. Бұл туралы ОКҚ-да өткен брифинг барасында ведомствоның басшысы Қалмұханбет Қасымов мәлімдеді, - деп хабарлайды Tengrinews.kz тілшісі.

"Бұл дерекке қатысты ("Артем" базары маңындағы жаппай төбелес - Авт.) біз қазір үш қылмыстық істі тергеп жатырмыз. Бірінші іс "Артем" базарының қауіпсіздік қызметі мамандарына байланысты, олар қызметтік уәкілеттігін асырды ма, жоқ па анықталады. Біз мұны тексеріп, заңды бағасын береміз. Екіншісі - әйелдің айқайлағанын естіп, қауіпсіздік қызметінің мамандарына дене жарақаттарын салуға тырысқандарға қатысты. 18 адам ұсталды, олардың екеуіне айып тағылды, бұдан арғысын тексереміз. Бізде видеокамералар мен видеотіркегіштердің бейнежазбалары бар. Яғни бізде дәлел бар", - деді Қасымов.

Сонымен қатар, ІІМ басшысының айтуынша, жанжалға себепші болған әйелге қатысты сотқа дейінгі тексеру жүріп жатыр. "Қайыр тілеп, азаматтарға жабысқаны үшін біз оны жауапкершілікке тартамыз. Бізде жаңа бап бар емес пе? Біз оны әрине, жауапкершілікке тартамыз", - деді министр.

Жаппай төбелес туралы ойын жеткізген Қасымов оқиғаның тек Астана тұрғындарына емес, Интернетте жарияланғаннан кейін бүкіл қазақстандықтың құлағына жеткенін айтты. Ол бұл жанжалды тудырған әйелге толық сипаттама берді.

"Бұл оқиғаның болуына негізгі себепші азаматша - Лаура Баймұлданова. Ол ІІ топтағы мүгедек, ол мүгедектікке былтыр өткен, ажырасқан, үш баласы бар. Алматы шетіндегі Қалқаманда тұрады. Қайыршылықпен айналысады және балаларын да осыған үйретіп жүр. Қайыр тілеп, азаматтарға жабысқаны үшін жаңа бап бойынша үш рет Алматыда жауапқа тартылған", - деді министр. Ол елордаға қайыр тілеу үшін Өзбекстан азаматшасымен бірге барған. 

"Әйел "жұмысына" кешкілік "Артем" базарына барған. Әрине, әйелді қауіпсіздік қызметі кіргізбеген. Бұл жұмысты жақсы білетін, психологиялық тұрғыда бұған дайын болған әйел айқайлап, шу көтере бастаған. Сөйтіп көптеген келушінің назарын аудартты", - деді Қасымов.

"Бірден айта кетейін, ешкім дене жарақатын алған жоқ, мүлікке зақым келген жоқ, базар бұрынғыдай жұмыс істеп тұр", - деп сөзін аяқтады Қасымов.

Бұған дейін "Артем" базарының маңындағы жаппай төбелес туралы дақпырт әңгіме таратқандардың жауапкершілікке тартылатыны хабарланған болатын.

Еске сала кетейік, жаппай төбелес 17 маусым күні кешке болды. Полицейлер бұл оқиғаға қатысы бар 18 қатысушыны мән-жайды анықтау үшін ұстады. Ішкі істер органдарының қызметкерлері бір тәулік бойы базарды күзетті.

 
Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети