1. Басты
  2. Біл
  3. Оқиға
  4. Тосын жай

Астанада екі жасар баласымен кетіп бара жатқан әйелді көлік қағып кетті

© Тұрар Қазанғапов © Тұрар Қазанғапов

Астанада екі жасар баласымен кетіп бара жатқан әйелді көлік қағып кетті, - деп хабарлайды Tengrinews.kz Астана қалалық ІІД-нің баспасөз қызметіне сілтеме жасап.

Жол апаты 20 шілдеде сағат 19.50-де Жұбанов пен Кенесары көшелерінің қиылысында болған. Hyundai маркалы көліктің 30 жастағы жүргізушісі жаяу жүргіншілерді қаққан. ІІД-дегілер әйелдің баласымен бірге бағдаршамның жасыл белгісі жанғанда өткенін айтып отыр. 

"Жол-көлік оқиғасы салдарынан 25 жастағы әйел дене жарақатымен ауруханаға жеткізілген. Дәрігердің тексеруінен кейін әйел адам үйіне жіберілді. Оның екі жасар баласы зардап шекпеді", - дейді баспасөз қызметіндегілер. 

Аталған деректер бойынша тексеріс жүргізіліп жатыр және соның қорытындысына бойынша процессуалдық шешім шығарылады.