Астанада туберкулезге қарсы диспансерде қыздың үстіне плита құлап кетті

05 Қазан 2018, 14:44
0
Астанада туберкулезге қарсы диспансерде қыздың үстіне плита құлап кетті - © astana.gov.kz
© astana.gov.kz

Астанада туберкулезге қарсы диспансерде 14 жастағы қыздың үстіне плита құлап кетті, - деп хабарлайды  Tengrinews.kz тілшісі. Қалалық денсаулық сақтау басқармасының баспасөз қызметі осы оқиғаға қатысты пікір білдірді.  

Instagram желісіндегі vastane.kz парақшасында туберкулезге қарсы диспансерде қыздың үстіне плита құлап кетіп, оның бетін жаралағаны туралы видео пайда болды.

Астана қалалық денсаулық сақтау басқармасының баспасөз қызметі оқиғаның 4 қазанда Астана қаласының туберкулезге қарсы диспансерінің балалар мен жасөспірімдерді емдеу бөлімінде болғанын растады. Ведомстводағылар ойын бөлмесінде бес бала болғанын айтады. Басқа ешкім зардап шеккен жоқ. 

"Кезекші дәрігер алғашқы көмек көрсеткен, қанды тоқтатып, жарақаты таңылды. Бала Астана қалалық № 2 балалар ауруханасына жеткізілді", - делінген баспасөз қызметінің хабарламасында. 

Қыз балаға алғашқы хирургиялық таңу шаралары жасалып, кесілген жерлеріне тігіс салынды. Басқарма мәліметінше, қазіргі уақытта қыз балаға қажетті медициналық көмектің барлық түрі көрсетіліп жатыр екен. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай