Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Атырау облысында Қытайдың заңсыз жүрген 38 азаматы ұсталды

28 Қаңтар 2015, 11:23
0
©Tverigrad.ru
©Tverigrad.ru

Атырау облысында Қытайдың заңсыз жүрген 38 азаматы ұсталды, - деп хабарлайды Tengrinews.kz тілшісі облыстық сотттың баспасөз қызметіне сілтеме жасап.

"22 қаңтарда прокуратура мен учаскелік инспекторлардың бірігіп өткізген рейді кезінде 38 қытай азаматы ұсталды. Оларға қатысты әкімшілік хаттама толтырылды", - делінген хабарламада.

Хабарламада бұл азаматтардың Қазақстанға өткен жылдың 10 қыркүйегі күні "Алматы" бақылау-өткізу пункті арқылы кіргені айтылған. Олардың келу мақсаты - "ВСП" жауапкершілігі шектеулі серіктестігінің қызметкерлеріне консультациялық қызмет көрсету. Келу мерзімі де көрсетілген - 2015 жылдың 15 тамызына дейін. Бірақ олар келгеннен кейін ішкі істер органдарында уақытша тіркелмеген. Осылайша, олар елде болу мерзімін шамадан асырып, Қазақстан Республикасында болу ережесін бұзды. 

"2015 жылдың 27 қаңтарында Атырау әкімшілік сотындағы отырыста ҚХР азаматтары кінәсін мойындады. Құқықбұзушылардың түсініктемесін тыңдағаннан кейін сот ҚХР 38 азаматын Әкімшілік құқықбұзушылық кодексінің 517-бабының 2-бөлігінде қарастырылған әкімшілік құқықбұзушылық жасады деп танып, Қазақстан аумағынан шығару түріндегі әкімшілік жаза кесті", - делінген сот мәліметінде.

Шетелдіктер қаулы заңды күшіне енгеннен кейін ел аумағынан бес күн ішінде шығуы тиіс. Еске сала кетейік, қаңтар айының басында Алматы облысында Қытай Халық Республикасының 33 азаматы ұсталған еді. Оларды Қазақстан Республикасы ҰҚҚ Шекара қызметінің өкілдері ұстады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай