Балқашта мұз құрсауынан төрт балықшы құтқарылды

08 Желтоқсан 2019, 13:05
0
Балқашта мұз құрсауынан төрт балықшы құтқарылды - Сурет: Тұрар Қазанғапов
Сурет: Тұрар Қазанғапов

Балқаш көлінде мұз бөлініп, 4 балықшыны ағызып әкетті, - деп хабарлайды КТК

6 желтоқсанда сағат 14:07-де Ақөлең ауылынан оңтүстікке қарай 15 шақырым жерде Балқаш көлінде мұз құрсауынан 4 адам құтқарылды. Мұз бөлініп, оның үстіндегі балықшылар ашық көлге кетіп қалған.

Зардап шеккендермен телефон байланысы ұдайы жүргізіліп отырған. Оқиға болған жерге Қарағанды облысы ТЖД бөлімшелерінің жедел тобы шықты. Адамдар отырған мұз жағадан шамамен 10 шақырым қашықтыққа кетіп қалған. Қатты толқынға қарамастан, құтқарушылар қысқа уақыт ішінде "Хивус" аэрокөлігімен балықшыларды тауып, 17:35-те оларды жағаға жеткізді.

Құтқарушылар қыс кезінде су қоймасында қауіп-қатер артатынын ескертеді.

"Су айдынындағы мұз үстімен жаяу жүру де, көлікпен жүру де өте қауіпті. Түнгі уақытта балық аулауға және аң аулауға жол берілмейді. Боранды күндері суға шығуға тыйым салынады", - делінген хабарламада.

Дереккөз: КТК


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай