Білім басқармасындағылар Шымкенттегі мектепте болған төтенше жағдайды тексеріп жатыр

04 Наурыз, 09:18
0
Білім басқармасындағылар Шымкенттегі мектепте болған төтенше жағдайды тексеріп жатыр - © instagram/club_dobryakov_shymkent
© instagram/club_dobryakov_shymkent

Шымкенттің білім басқармасының өкілдері № 1 мектеп-гимназиясында болған төтенше жағдайға қатысты пікір білдірді. 6-сынып оқушысы мұғалімнің сөзінен кейін ауруханаға түсіп қалған болатын, - деп жазады Otyrar.kz.

Қалалық білім басқармасының мәліметінше, оқушыға үй жұмысын дұрыс орындамағаны үшін ескерту жасалған. 

"№ 1 мектеп-гимназиясының қазақ тілінің мұғалімі 6-сынып оқушысы Досымбек Әлиханға үй жұмысын дұрыс орындамай келгені үшін дауыс көтерген. Мектептің медициналық қызметкері Әбдукәрімова баланың жағдайын көріп, көмек көрсетті. Жедел жәрдем баланы балалар ауруханаға жеткізді. Оған бронхит диагнозы қойылып отыр.

Ал жоғары дәрежелі мұғалім Ибраева мектепте 24 жыл жұмыс істеген. Қазіргі уақытта осы жағдай зерттеліп жатыр, қорытындысы бойынша заңнама аясында шаралар қолданылады", - делінген хабарламада.

Сынып жетекшісі мен медициналық қызметкердің айтуынша, бала есепте тұрған жоқ, спортпен шұғылданады.

Еске салайық, осыған дейін Instagram желісіндегі club_dobryakov_shymkent парақшасында зардап шеккен мектеп оқушысының анасының үндеуі жарияланған болатын. Онда әйел баласына себепсіз дауыс көтерілгенін айтады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай