Бішкек перзентханасындағы қазақстандық әйелдің қайтыс болу себебін арнайы комиссия анықтайды

05 Тамыз 2015, 09:42
0
Бішкек перзентханасындағы қазақстандық әйелдің қайтыс болу себебін арнайы комиссия анықтайды - © Tengrinews.kz
© Tengrinews.kz

Бішкек перзентханасындағы қазақстандық әйелдің қайтыс болу дерегі бойынша қызметтік тексеріс жүргізіледі, - деп хабарлайды АКИ press Қырғызстан Денсаулық сақтау министрлігінің баспасөз қызметіне сілтеме жасап.

"№2 перзентханадағы емделушінің қайтыс болу дерегі бойынша Бішкек Денсаулық сақтау департаменті қызметтік тексеріс жүргізу үшін арнайы комиссия құрды", - деп жазылған жарияланымда. Баспасөз қызметінің мәліметінше, комиссия Қырғызстан Денсаулық сақтау министрлігі мамандарының қатысуымен құрылды.

Еске сала кетейік, бұған дейін Бішкектің №2 ерзентханасының бас дәрігері Азамат Алымбаев Жамбыл облысы тумасының он күндік комадан кейін қайтыс болғанын хабарлаған еді. Оның сөзіне қарағанда, операциядан кейін әйелге плазма тамызылғанда реакция болып, ол комаға түскен. Плазма қан құю арқылы жүзеге асырылды. Әйел 10 күн бойы ес-түссіз жатқан. Дәрігерлер оның өмірі үшін күрескенімен, ол көз жұмды. Өлімнің себебін анықтау үшін әйелдің денесі сойылатын болды.

 

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай