+7 (777) 001 44 99
ПОДЕЛИТЬСЯ
Павлодарда көлік жүргізушілерінің жол бойындағы төбелесі видеоға түсірілді, - деп хабарлайды Tengrinews.kz тілшісі Павлодар облысы ІІД баспасөз қызметіне сілтеме жасап.
Павлодарда көлік жүргізушілерінің жол бойындағы төбелесі видеоға түсірілді, - деп хабарлайды Tengrinews.kz тілшісі Павлодар облысы ІІД баспасөз қызметіне сілтеме жасап.
Видеоны YouTube қолданушысы Дмитрий Козель жариялады. Кадрлардан көліктердің төбелестің салдарынан кептелісте тұрғанын көруге болады. Жүргізушілердің бірі көліктен жүгіріп шығып, екінші жүргізушіге жұдырық ала жүгірген. Көрші көліктерлің жүргізушілері мен жолаушылары төбелесіп жатқандарды ажыратайын деп, кейіннен өздері де төбелеске қатысып кетті. Видеодан жерде жатқан адамды бірнеше ер адамның теуіп жатқаны да көрінеді. Кейін оларды автокөлік иесінің бірі ажыратты. Ол көліктің жүксалғышынан сақаны шығарып, жәбірлеушінің көлігінің терезесін сындырмақ болған.
Ескерту! Видеода балағат сөздер айтылған.
Бұл видеоны полицейлер де көрді. "Жүргізушілердің арасындағы төбелес Қатаев пен Естай көшелерінің қиылысында болған. Іс сотқа дейінгі бірыңғай тіркеу реестрінде тіркелді. Осы дерек бойынша тексеріс жүріп жатыр", - деп хабарлады облыстың ІІД баспасөз қызметі.
Сонымен қатар, полицейлер бұл оқиға бойынша ешкімнен арыз түспегенін айтып отыр.
