Жамбыл облысында апатқа ұшыраған тікұшақта прокурор болған

29 Қаңтар 2016, 18:18
0
Жамбыл облысында апатқа ұшыраған тікұшақта прокурор болған - © Tengrinews TV
© Tengrinews TV

Жамбыл облысында апатқа ұшыраған тікұшақта өңірлік прокурор болған, - деп хабарлайды Tengrinews.kz тілшісі ҚР ІІМ Көліктегі ішкі істер департаментінің баспасөз қызметіне сілтеме жасап.

23 қаңтарда, сенбі күні "ТаразЖаңаӘлем" ЖШС жетекшісі (тікұшақ пилоты) Валерий Михин жолаушылар алдын ала төлеп қойған ұшуды жүзеге асырған. Пилотпен бірге, тікұшақта үш жолаушы болған, оның ішінде Жамбыл облысының прокуроры Ернат Сыбанқұлов бар болып шықты.   

"Аңшылық болған жоқ, маңайды қараған кезде жануарлардың өлігі табылмады", - делінген хабарламада. 

Алдын ала мәлімет бойынша, ұшып келе жатқан кезде тікұшақтың қозғалтқышында қысым түсе бастаған, кейін түтіндеген. Пилот шұғыл қонуға мәжбүр болған, алайда тікұшақ құлаған. Пило шыққан өртті өз бетімен сөндірмек болып, күйіп қалған. 

Жолаушылар жаралы пилотты таяуда орналасқан малдыауылға апарған, сол жаққа жедел жәрдем бригадасы шықырылған. Сөйтіп, ұшқыш Тараздағы ауруханаға күю жарақатымен жеткізілген. Қазіргі уақытта зардап шеккен ер адамның жағдайы тұрақты. 

Апаттың себебі арнайы құрылған комиссия тергеп жатыр. Ми-2 тікұшағының апаты дерегі бойынша сотқа дейінгі тергеу жүріп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай