1. Басты
  2. Біл
  3. Оқиға
  4. Тосын жай

Жамбыл облысында сәбиін лақтырып жіберген қыз 10 сынып оқушысы болып шықты14 қаңтар 2016, 20:46

Жамбыл облысында сәбиін лақтырған қыз 10 сынып оқушысы болып шықты, - деп хабарлайды Tengrinews.kz тілшісі Жамбыл облысының ІІД баспасөз қызметінің өкілдеріне сілтеме жасап. Оның аты-жөні анықталды.

"Қазіргі уақытта ол ауруханада, ештеңе айта алмайды. "Кісі өлтіру" бабы бойынша қылмыстық іс қозғалды. Қыздың шешесі ұсталып, уақытша ұстау изоляторына қамалды", - деп хабарлады баспасөз қызметіндегілер. 

Оқиға 13 қаңтарда таңғы уақытта болған. Әйел өзінің жүкті қызын алып, көршісінің көлігімен Таразға жолға шығыпты. Жолда қыз толғатып, ұл баланы туып алған. Осыдан кейін Ақкөл ауылына кіреберісте оқушының шешесі жаңа туған сәбиді лақтырып жіберген. Алған жарақатынан сәби оқиға орнында шетінеп кетті. Көлік жүргізушісі есеңгіреп, бұл қылмысқа қатысының жоқтығын айтып отыр.