Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Жезқазғанда той дастарханынан сегіз адам уланды

09 Тамыз 2014, 11:51
0
©Ярослав Радловский
©Ярослав Радловский

Жезқазғанда үйлену тойында сегіз адам астан уланып қалды, - деп хабарлайды Tengrinews.kz Қарағанды облыстық тұтынушылар құқықтарын қорғау департаментіне сілтеме жасап.

"4-6 тамыз аралығында Жезқазған қаласында сегіз адам астан улану белгілерімен дәрігерлердің көмегіне жүгінді", - делінген департаменттің баспасөз парағында. Алдын ала мәлімет бойынша, олардың бәрінің 2014 жылдың 1 тамызы күні "Қазақмыс корпорациясы" ЖШС-нің Жезқазғандағы "Байқоңыр" мейрамханасында қыз ұзату тойында болғаны анықталды.

Мейрамханаға санитарлық-эпидемиологиялық тексеру жүргізу барысында қоғамдық тамақтану нысандарында қолдануға тыйым салынған тағамдарды ұсыну және қолдануға қатысты санитарлық талаптардың өрескел бұзылғаны белгілі болды. Жасалуы мен қауіпсіздігіне қатысты ешқандай құжаты жоқ, үйде дайындалған тағамдардың (жылқы еті, қымыз, қазы, шұжық, қарта, алкоголь өнімдері, шырындар) дастарханға қойылғаны анықталды.

"Тексерудің нәтижесінде материалдар қалалық прокуратураға және ішкі істер басқармасына жіберілді. Аталған факт бойынша ҚР Қылмыстық кодексінің "Абайсызда адамдардың жаппай сырқаттануына немесе улануына әкеп соққан санитария-эпидемиологиялық ережелердi бұзу" бабы (267-баптың 1-бөлігі) бойынша қылмыстық іс қозғалды", - деп хабарлайды облыстық тұтынушылар құқықтарын қорғау департаменті. Қазіргі уақытта сегіз адам ауруханада емделіп жатыр, эпидемияға қарсы шаралар қолға алынды.

Еске сала кетейік, шілде айында Семейде үйлену тойына келген 40 адам астан уланып қалған еді. Кейін оларға орта деңгейлі сальмонеллез диагнозы қойылды, мамандар тойда дастарханға қойылған тағамдардан патогенді бактерияларды анықтады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай