Жол апатынан ата-анасы қаза тапқан бүлдіршін есін жиды

14 Наурыз 2017, 09:06
0
Жол апатынан ата-анасы қаза тапқан бүлдіршін есін жиды - Отырар.kz
Отырар.kz

Шымкентте сұмдық жол апаты екі адамның өмірін қиды. Екі бірдей Toyota көлігі соғысып қалып, соның салдарынан жол талғамайтын көлікте отырған ерлі-зайыпты тіл тартпай кетті. Олардың 6 жасар баласы аман қалды. Ал оқиға орнынан алдымен ізін суытқан жүргізуші кінәсін мойындап, полиция бөліміне өзі келген, - деп хабарлайды Отырар.KZ.
 
Қайғылы оқиға 12 наурызға қараған түні, сағат 2.00 шамасында болған. Шымкенттегі Әл-Фараби және Юсупов көшелерінің қиылысында Toyota Land Cruiser 200 және Toyota Camry жеңіл көлігі соқтығысқан. Соның салдарынан жол талғамайтын көлігінің 45 жастағы жүргізушісі мен оның 36 жастағы жұбайы алған ауыр жарақаттарынан оқиға орнында қаза болған. Ал олардың қызы сол мезетте облыстық балалар ауруханасынының жансақтау бөліміне жеткізіліпті. Жол-көлік апаты болған орыннан ізін суытқан 31 жастағы жүргізуші қазір кінәсін мойындап, Абай аудандық полиция бөліміне өзі келген.

Ал ата-анасынан бір түнде айырылған төрт жарым жасар баланың да қазір жағдайы мүшкіл. Жансақтау бөлімінде арнайы аппаратпен дем алып жатыр.

Облыстық балалар ауруханасының бас дәрігері Әнуарбек Маймақовтың айтуынша, баланың жағдайы түскен кезде тым ауыр, бас сүйегі зақымданған, миына зиян келген деген диагноз қойылған. "Бүйрегі ажырап, аяқтары сынған. Гемоглобині 60 еді. Біздің балалар ауруханасы күрделі мамандандырылған болғандықтан, 1 сағатқа жетпей барлық маманды шақырып, балаға тез арада операция жасадық, қанын тоқтаттық. Сынған жерлеріне гипс қойып, балаға жансақтау бөлімінде ем-дом жасалды. Бір айтарлығы, осындай ауыр жағдайда түссе де, бүгін сағат 11.00-де бала көзін ашып, өзіне келіп, іздеп келген туысқандарына жауап беріп жатыр", - деді Маймақов.

Ақ халаттылардың айтуынша, аяқ сүйектері үш жерден сынған балаға әлі бірнеше күрделі ота жасалуы керек. Егер, ота сәтті шықса, науқас аптаның соңғы күндері палатаға ауыстырылуы мүмкін. Ал Абай полиция бөлімі қазір қос тараптың кінәсін анықтау үшін тергеу амалдарын жүргізіп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай