Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 334.32
EUR / KZT - 392.29
CNY / KZT - 50.53
RUB / KZT - 5.63

Қарағанды облысында өрттен үш бала мен бір ер адам қаза тапты

14 Қараша, 22:51
0

Қарағанды облысында өрттен үш бала мен бір ер адам қаза тапты. Олар иіс газына уланған, - деп хабарлайды Tengrinews.kz тілшісі облыстық ТЖД баспасөз қызметіне сілтеме жасап. 

Өрт Шахтинск маңындағы Долинка ауылындағы бес пәтері бао бірқабатты тұрғын үйден шыққан. Өрт туралы хабар кезекші пультіне 14:12-де түскен. Құтқарушылар дереу шақыртуға барып, пәтерлердің бірінің бөлмелері мен шатыры өртеніп жатқанын анықтаған. 

Жергілікті тұрғындар өртті өз бетімен сөндірмек болған, бірақ онысы еш нәтиже бермеген. Олар өртсөндірушілер келіп жеткенше 2011 және 2015 жылғы екі баланы алып шығып үлгерген. Балалар Долинка ауылындағы ауруханаға жеткізілген, алайда дәрігерлер олардың қайтыс болғанын анықтаған.

"Оқиға орнында 2014 жылғы бала мен 1954 жылғы ер адамның денелері табылды. Осылайша иіс газынан төрт адам қаза тапты, олардың үшеуі балалар. Өрт шалған аумақ 70 шаршы метр. Өрт 15:16-да сөндірілді", - деп хабарлады ведомствоның баспасөз қызметіндегілер. 

Өрт сөндірумен ТЖД өрт сөндіру және апат-құтқару қызметтері айналысты, оның құрамында 15 адам мен 4 дана техника болды. Өрттің себебі анықталып жатыр. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай