Қарағандыда батут аударылған саябақ басшыларына қатысты сотқа дейінгі іс қозғалды

01 Маусым, 10:11
0
Қарағандыда батут аударылған саябақ басшыларына қатысты сотқа дейінгі іс қозғалды -

Қарағанды қаласындағы бала өліміне себеп болған батут оқиғасы бойынша "Мәдениет, демалыс саябақтары және гүлзарлар басқармасы" мекемесінің басшыларына қатысты сотқа дейінгі іс қозғалды, - деп хабарлайды Хабар 24 тілшісі.

Оларға балалар сауық нысанын заңсыз әрі талапқа сай орналастырмай, өз жұмысына салғырт қараған деген айып тағылып отыр. Еске салсақ, 25 мамырда қатты жел саябақтағы батутты ұшырып әкетіп, бір бала мерт болған еді. Тағы екі жеткіншек ауыр жарақатпен ауруханаға түскен.

"Департамент тарапынан сотқа дейінгі іс қозғалып, қызметтік тергеу жүргізіліп жатыр. Қылмыстық кодекстің 371 бабының 2-ші бөліміне сәйкес қызметіне немқұрайлы қараған тұлғалар 4 мың айлық есептік көрсеткіші көлемінде айыппұл төлейді немесе мың сағаттық қоғамдық жұмысқа тартылуы мүмкін. Сондай-ақ, заңда 4 жылға дейін бас бостандығынан айыру жазасы да қарастырылған", - дейді облыстық сыбайлас жемқорлыққа қарсы қызмет департаментінің басқарма басшысының орынбасары Александр Иксанов.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай