Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қарағандыда жолаушылары бар такси су астына түсіп кетті

06 Қараша 2014, 13:43
0
©oo-osa.org
©oo-osa.org

Интернетте Қарағандыда су толы үлкен орға түсіп кеткен автокөлік туралы видео пайда болды. "ОСА" автокөлік иелеріне жәрдемдесу қозғалысының сайтында 1 қараша күні жолаушылары бар машинаның суға құлап кеткені жазылған. 

"Қаланың оңтүстік-шығысында, "Карагандинец" дүкенінің жанындағы жол бойында, қаланың орталығында жолаушылары бар такси төбесіне дейін суға батып кетті", - делінген сайтта. Абырой болып, жүргізуші мен жолаушылар аман қалды. "Адамдар суға малынып, тоңып қалды. Куәгерлер жүргізушіге судан шығуға көмектесті, содан кейін адамдарды өз көліктерінің салонында жылытты", - делінген видеоның астына жазылған сипаттамада.

Тәуелсіз заңгер Сергей Уткин оқиғаға тап болғандарды бұл істі бейжай қалдырмауға және материалдық-моральдық шығын өндіру үшін құқықтарын қорғауға шақырады. Ол жолдардың жағдайына жауапты мемлекеттік орган таксидің су толы шұңқырға түсіп кетуіне жауап беруі керек. "Әкімдікке шағымдану қажет. Ол жолдардың жағдайына жауапты деп ойлаймын. Заң бойынша мұның бәрі қалыпты жайт. Мемлекет әрбір заңсыз әрекет үшін жауап беруі керек, мұндай тәжірибені қалыптастыру қажет", - деді Уткин Tengrinews.kz тілшісіне. 

Заңгер жүргізушілер жолдардың бүлінген учаскелерін полицияға хабарлап тұруы керектігін айтты. "Патрульдеуді іске асыру кезінде олар шұңқырларды, сынған жол белгілерін, бағдаршамдарды, жолдардағы басқа да тәртіпсіздіктерді көрсе, ол туралы баяндама толтырып, басшыларына хабарлауы керек. Тәжірибе бойынша көбіне мұндай талап орындалмайды. Бірақ өз міндеттемелерін тиісті деңгейде орындамағаны үшін жауапқа тартуға болады", - деді Уткин. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай