Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қарашығанақ түбінде балалардың жаппай талып қалуына қатысты жаңа мәліметтер пайда болды

30 Қараша 2014, 02:19
0
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ата-аналар оқиғаға кен орнын кінәлайды. ©mgorod.kz
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Ауруханаға түскен балалар. ©mgorod.kz
Березовка елді мекеніне Karachaganak Petroleum Operating B.V. компаниясының өкілі Стив Райт келді (ортада). ©mgorod.kz
Березовка елді мекеніне Karachaganak Petroleum Operating B.V. компаниясының өкілі Стив Райт келді (ортада). ©mgorod.kz

29 қарашаға қараған түні Батыс Қазақстан облысындағы Березовка ауылындағы алты бала Оралдағы облыстық балалар ауруханасына ауыстырылды. Бұл туралы ата-аналардың бірі мен Бөрілі ауданы әкімінің орынбасары Азамат Сафималиев "Мой город" порталына хабарлады. 

"Олардан асқыну анықталған жоқ. ЖРВИ немесе суық тию сияқты ауру белгілері болғандықтан, балаларды қосымша тексеруге ауыстырдық", - деді шенеунік. 

Әкім орынбасарының айтуынша, Бөрілі орталық аудандық ауруханасында қазір төрт бала жатыр, олардан да асқыну анықталған жоқ. "Қалған балалар мен мұғалімдер кеше кешкісін ауруханадан шығарылды. Дәрігерлер оларды үйлеріне жіберу керек деген қорытынды шығарды. Әкімдік автобус бөліп, балалар мен ата-аналар Березовкаға жөнелтілді", - деді ол.

Жергілікті денсаулық сақтау басқармасының баспасөз қызметі алты баланың төртеуіне диагноз қойылғанын айтты. Қалған екеуі тексеріліп жатыр. "Бір балада - орта деңгейдегі қаназдық, тағы бір балаға эпилепсия диагнозы қойылды. Келесі оқушыдан ми жарақаты, енді бір баладан гипоталамия синдромы анықталды", - деп хабарлады басқарма мамандары.

Еске сала кетейік, жуырда Березовка елді мекеніндегі мектепте балалардың жаппай есінен тана бастағаны хабарланған еді. 28 қараша күні жергілікті ауруханаға, негізінен, 11 мен 16 жастағы 19 бала және үш мұғалім жеткізілді. Олардың басы айналып, денесі құрысқан. Дәрігерлер "зорығу" деген алдын ала диагноз қойды. Олар "баллоншадан шашылған газдан улану" деген диагнозды да қарастырып жатыр. 

Бірақ ата-аналар бұл пікірмен келіспейді, олар бәріне экология кінәлі деп есептейді - ауыл іргесінде Қарашығанақ кен орны бар. Мектепте мұғалім болып жұмыс істейтін Алексей Кобаның жетінші сыныптағы баласы да талып қалған. Ол: "Мұның алдында бірнеше күн бұрын балалар талып қала бастады, денелері қатты құрысты, ауыздарынан сілекейі ағып, аяқтары тартылды. Менің ұлым да ауруханада. Ол ауыр халде жеткізіліп, бірден системаға жатқызылды", - дейді.

Коба бұл оқиғаға кен орнының қатысы барына сенімді. "Біз кен орнының, оны бұқтырудың не екенін жақсы білеміз, төңіректе алау жанып тұрады, түнде жарық қажет емес. Соңғы кездері қатты иіс шықты, бірнеше күн бұрын лапылдаған дыбыс шықты. Біз қанша рет шағымдансақ та, ешкім бізді тыңдағысы келмейді. Біз үшін өміріміз бен балаларымыз бәрінен қымбат, қолымызда баламыз әл үстінде жатқанда не істеріңді білмейсің. Жылдам жетіп, көмек көрсеткен дәрігерлерге рақмет", - дейді Алексей Коба.  

 

 

28 қараша күні Березовка елді мекеніне Karachaganak Petroleum Operating B.V. компаниясының еңбек қауіпсіздігі және қауіпсіздік техникасы жөніндегі басқарушысы Стив Райт келді. Ол балалары ауруханаға түскен ауыл тұрғындарымен кездесті.

"Бұған дейін мұндай оқиға болған емес. Санитарлық қорғау аймағы нормаларға сәйкес бекітілген. Бізде периметр бойынша арнайы экологиялық бақылау тұрақтары орнатылған. Олар қауіпті газдар мен иістердің бәрін дәл бақылап, тіркеп отырады", - деді Райт.

"Тұңғыш және Березовка ауылдары көшірілуі тиіс болған еді, бірақ Тұңғыш ауылы көшірілді де, біз қалып қойдық. Ауылдың кен орнынан үш шақырым қашықтықта болуы қалыпты жайт саналды. Қайдағы қалыпты жайт? Лас ауа бес-алты шақырымға таралып жатқан жоқ па?" - дейді тұрғындар. 

Қазіргі уақытта оқиға орнында арнайы құрылған комиссия жұмыс істеп жатыр. Оған облыс әкімінің орынбасары Арман Өтеғұлов төрағалық етеді. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай