Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Қазақстанда мемлекеттік қызметкерлердің орнына тестілеуден өткен қылмыстық топ ұсталды

27 Қазан 2015, 16:52
1
© Tengrinews.kz
© Tengrinews.kz

ҚР Мемлекеттік қызмет істері және сыбайлас жемқорлыққа қарсы іс-қимыл агенттігі мемлекеттік қызметке тұру үшін азаматтарды тестілеуден өткізіп берумен айналысқан ұйымдасқан қылмыстық топты ұстады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

Агенттіктің мәліметінше, ұйымдасқан қылмыстық топ қолдан жасалған куәлік пен кандидат туралы ақпараттар арқылы тест тапсырған.

"14 адамнан тұратын топтың Қазақстанның қалаларында тестілеуден өткені белгілі болды. Өз қызметтері үшін олар 4-5 мың АҚШ долларын алған", - деп жазылған баспасөз хабарламасында.

Талдықорған мен Алматыда мемлекеттік қызметке тұру үшін тапсырылатын тесттен заңсыз өту кезінде бірнеше адам ұсталды. Олардың қолында жалған куәлік пен тестілеуден өткендігі туралы сертификаттар болды.

"Ұйымдасқан топ 2014 жылдың тамызынан 2015 жылдың қыркүйегіне дейін заңды білетіндігі туралы тест тапсырып, 120 сертификат алған. Қазір сертификат иелері мемлекеттік қызметте жүр", - деп хабарлады агенттік. 

Қазір ұйымдасқан топтың мүшелері ұсталды. Сотқа дейінгі тергеу амалдары жүргізіліп жатыр.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай