Қазақстанда тұңғыш рет 20 мың теңгелік купюра қолдан жасалды

23 Мамыр 2017, 17:32
2
Қазақстанда тұңғыш рет 20 мың теңгелік купюра қолдан жасалды - © Тұрар Қазанғапов
© Тұрар Қазанғапов

Атырауда 20 мың теңгелік купюраны қолдан жасау дерегі анықталды, - деп хабарлайды "Мой ГОРОД" облыстық ІІД-нің баспасөз қызметіне сілтеме жасап. 

Порталдың жазуы бойынша, 20 мамырда қала дүкендерінің бірінде бір жігіт алған заттары үшін жалған ақша берген. Бұл ең ірі номиналдағы банкнотты қолдан жасаудың алғашқы оқиғасы екенін айта кетейік. 

"Зардап шеккен дүкен сатушысы сол күні дүкеніне ер адам келіп, екі шөлмек сусын алғанын, сусын үшін 20 мың теңге беріп, 19 мың теңгеден астам ақшаны алып кеткенін айтады", - дейді баспасөз қызметінің өкілдері. 

Ал ер адам кетіп қалғаннан кейін сатушы ақшаның жалған екенін көрген. Әйелдің сипаттап беруі бойынша полиция күдіктіні іздеген. Іздеу шаралары кезінде Атырау қаласының 1995 жылы туған тұрғыны ұсталды. "Күдіктінің айтуынша, бұл купюраны ол сувенир ретінде әмиянында сақтап жүріп, қателесіп беріп жіберген", - деп нақтылады ІІД өкілдері. 

Қазіргі кезде ҚР ҚК-нің 190-бабы "Алаяқтық" бойынша сотқа дейінгі тергеу жүргізіп жатыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай