Қазақстандық белгілі заңгер Михаил Кленчин қайтыс болды

12 Желтоқсан 2015, 17:03
0
Қазақстандық белгілі заңгер Михаил Кленчин қайтыс болды - © Dixinews.kz
© Dixinews.kz

Қазақстандық белгілі заңгер Михаил Кленчин қайтыс болды, - деп хабарлайды Tеngrinews.kz тілшісі Қаржылық қызметтерді дамытудың Ұлттық қорына сілтеме жасап.

"Өкінішке қарай 35 жасында Қазақстан Республикасының дарынды заңгерлерінің бірі Кленчин Михаил қайтыс болды. Қайтыс болу себебі анықталып жатыр. Оның жақындары мен туыстарына көңіл айтамыз", - делінген хабарламада.

Айта кетейік, Михаил Кленчиннің қайтыс болуы туралы расталмаған ақпарат Интернетте 12 желтоқсан күні таңертең таралған болатын. Заңгердің өзін-өзі атқаны хабарланған еді.

Михаил Кленчин 1980 жылы 17 қарашада Алматыда дүниеге келген. Қазақстандық заңгер қоғамдық шараларға белсене қатысып, Қаржы қызметтерін дамытудың ұлттық қорының төрағасы, "Жемқорлыққа қарсы алғашқы медиаорталық" қоғамдық кеңесінің төрағасы, "Қазақстан салық кеңесшілері палатасының" мүшесі, "Нұр Отан" партиясы жанындағы "Кәсіпкерлікті қолдау республикалық қоғамдық кеңесі" мүшесі болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай