Қазақстанның Су-27 ұшағы Қытайда әуежайға апатты жағдайда қонды

02 Қыркүйек 2014, 11:21
0
Қазақстанның Су-27 ұшағы Қытайда әуежайға апатты жағдайда қонды - ©korganys.kz
©korganys.kz

ҚР Әуе қорғанысы күштерінің Су-27 истребителі Қытайдың Нинся-Хуэй автономиялық ауданындағы Иньчуань Хэдун халықаралық әуежайына апатты жағдайда қонды, - деп хабарлайды China Military Online. Соның салдарынан әуе хабы уақытша жабылып, бірнеше рейстің кестесін өзгертуге тура келді.

2014 жылдың 1 қыркүйегінде Қытай армиясының ресми ақпарат құралы - PLA Daily оқиғаның жай-жапсары туралы толық хабарлады. "ҚР ӘҚК Су-27 жойғыш ұшағы 30 тамыз күні "Бейбіт миссия-2014" бірлескен жаттығуынан елге қайтып келе жатқанда зақымданған. Соның салдарынан қазақстандық ұшақтың әскери тобы қосымша жоспарға сәйкес, әуежайға қонды", - деп PLA Daily. хабарлады 

South China Morning Post басылымының хабарлауынша, Су-27-мен бірге әуежайға Ту-134, Ан-72 ұшақтары мен тағы екі Су-27 де қонуға мәжбүр болды. China Radio International-дың мәліметінше, қазір апатты ұшақтан басқалары Қазақстанға оралған. Су-27 жөндеуден соң елге қайтады. Ішкі Моңғолияда өткен "Бейбіт миссия-2014" жаттығуына Ресей, Қазақстан, Қырғызстан, Тәжікстан әскерилері қатысты. Бескүндік жаттығу жыл сайын өтеді. Шанхай Ынтымақтастық Ұйымына мүше елдер бұл жаттығуды терроризммен күрес мақсатында 2005 жылдан бері ұйымдастырып келеді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай