Көкшетаулық ІІБ қызметкерін өлтірді деген күдікпен полицей ұсталды

27 Желтоқсан 2016, 17:13
0
Көкшетаулық ІІБ қызметкерін өлтірді деген күдікпен полицей ұсталды - Дархан Еламанов
Дархан Еламанов

ІІБ-нің жоғалып кеткен қызметкері өлі табылды, - деп хабарлайды Tengrinews.kz тілшісі Ақмола облыстық ІІД баспасөз қызметіне сілтеме жасап.

26 желтоқсанда Ақмола облыстық ІІД қызметкерлері жедел-іздестіру шаралары барысында 2016 жылдың 25 желтоқсанында жоғалып кеткен Д.М.Еламановты өлтірді деген полиция қызметкерін ұстады.

"Күдіктінің берген түсініктемелеріне қарағанда, ол бұл қылмысқа араздықтан барған. Қазіргі уақытта қаза тапқан жігіттің денесі табылды, сараптамалар тағайындалды. Күдіктінің кінәсін мойындаған түсініктемелері бар", - деп хабарлады облыстық ІІД баспасөз қызметінің өкілдері.

"Адам өлтіру" бабы бойынша сотқа дейінгі өндіріс басталды. Күдікті ҚР Қылмыстық-процессуалдық кодексінің 128-бабы бойынша уақытша қамау изоляторына қамалды. Қылмыстық істі тергеу аясында кешенді тергеу шаралары жүргізіліп жатыр.

Еске сала кетейік, осыған дейін Көкшетауда ІІБ қызметкерінің іздестіріліп жатқаны хабарланған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай