1. Басты
  2. Біл
  3. Оқиға
  4. Тосын жай

Көкшетаулық жезөкше қыз баланы 100 мың теңгеге сатып жібермек болған жерінен ұсталды

Көкшетауда кәмелет жасына толмаған қыз баланы 100 мың теңгеге сатып жатқан жерінен 1985 жылғы әйел ұсталды, - деп хабарлайды Tengrinews.kz тілшісі.

Ақмола облыстық ІІД-нің баспасөз қызметінің өкілдері әйелдің жезөкшелікпен айналысушы ретінде есепте бар. Қаскөй әйел 16 жастағы толық отбасыдан шыққан қызбен облыс орталығында танысқан. Кейін ол қыздың сеніміне кіріп, оны 100 мың теңгеге сату ниетін жоспарлаған. 

Бұл мәліметті Ақмола облыстық Ұйымдасқан қылмыстық топпен күрес басқармасының қызметкерлері анықтап, арнайы операция барысында әйел қылмыс орнында ұсталған. Күдіктіге қатысты "Адам саудасы" бабымен соталды тергеу басталды. Ал қыз үйіне оралыпты.