25 сәуір 2019 | 15:24

Көмекке асыққан полицейлер Toyota автокөлігіне соқтығысты

Айдос Қосыбаев

Ақтауда 23 сәуірде полицейлер мінген автокөлік жол-көлік оқиғасына ұшырады. Қызметтік көлік Toyota Yaris маркалы автомобильмен соқтығысқан. Бұл туралы Маңғыстау облыстық полиция департаменті баспасөз қызметінің өкілдері мәлімдеді, - деп хабарлайды "Лада".

Ақтауда 23 сәуірде полицейлер мінген автокөлік жол-көлік оқиғасына ұшырады. Қызметтік көлік Toyota Yaris маркалы автомобильмен соқтығысқан. Бұл туралы Маңғыстау облыстық полиция департаменті баспасөз қызметінің өкілдері мәлімдеді, - деп хабарлайды "Лада".

Жол апаты 21-ықшамауданда болған. Полицейлер "КазФрут" дүкені маңында өртенген автокөлікке бара жатқан.

"Осы экипаж дыбыс сигналдарын қосып, өртеніп жатқан көлік бағытында бара жатқан. Toyota Yaris автомобилінің жүргізушісі қозғалыс қауіпсіздігіне сенімді болмастан, қызметтік көлікпен соқтығысты. Осы дерекке қатысты ҚР Әкімшілік құқық бұзушылық туралы кодексінің 610-бабына сәйкес хаттама толтырылды. Іс материалдары әкімшілік сотқа жіберіледі, онда процессуалдық шешім шығарылады", - деп түсіндірді ведомство баспасөз қызметінің өкілдері.

Еске салайық, Ақтауда Mitsubishi L200 автокөлігі өртенді. Оқиға 23 сәуірде 21-ықшамаудандағы "КазФрут" дүкені маңында болды. Ақтау полицейлері жол талғамайтын көлікке от қойған күдіктіні іздестіріп жатыр.