1. Басты
  2. Біл
  3. Оқиға
  4. Тосын жай

Қостанай облысында "Айбын" президенттік полкінің жаңа шақырылған сарбазы қайтыс болды12 қаңтар 2017, 18:21

Қостанай облысында "Айбын" президенттік полкінің жаңа шақырылған сарбазы қайтыс болды, - деп хабарлайды "Қостанай жаңалықтары". Осы дерек бойынша тергеу жүргізіліп жатыр екен.

Туыстарының айтуынша, Әсет Жүсіпов әскер қатарында екі ай ғана қызмет кеткен. Сарбаз Лисаковск қаласына қарасты Октябрьск ауылында жерленді. Марқұмның анасы Марина Жүсіпова қазіргі уақытта оқиғаның түрлі нұсқасы барын айтады. Ол баласы өзіне қол салуы мүмкін емес дейді.

Жүсіпов шақырылған Лисаковск қаласының қорғаныс бөліміндегілер пікір білдіруден бас тартыпты. Айта кетейік, тергеу барысында оқиғаның мән-жайын жариялауға тыйым салынған.