Қостанайда автокөлікті айдап әкету үшін екі жігіт эвакуатор шақыртты

22 Қыркүйек 2015, 17:13
0
Қостанайда автокөлікті айдап әкету үшін екі жігіт эвакуатор шақыртты - © kurgan.dmir.ru
© kurgan.dmir.ru

Қостанайда автокөлікті айдап әкету үшін екі жігіт эвакуатор шақыртты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Баспасөз қызметінің мәліметінше, 18 және 22 жастағы екі жігіт Бородина көшесінің бойында тұрған "ВАЗ-2115" автокөлігін айдап әкетуді жоспарлаған. Ол үшін екі дос жеке эвакуаторды жалдады.

"Эвакуатордың жүргізушісі уақытында барып, 4 мың теңгеге автокөлікті керек жеріне жеткізген. Тапсырыс берушілер айдап әкеткен көлікті Затобольск ауылына дейін жеткізіп, иесіз қалған үйдің жанына түсіріп кетуді сұраған. Жүргізуші келісімшарттың талабын орындап, кері қайтыпты", - дейді баспасөз қызметіндегілер.

Бұл кезде көліктің 22 жастағы иесі полицейлерге арызданып, көлікті іздеу шаралары қолға алынған. Мамандар ұрылардың кім екенін анықтап, қазіргі таңда сотқа дейінгі тергеу жүріп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай