Қостанайда бір топ қыз сексуалдық құлдықтан босатылды

10 Сәуір 2018, 17:08
0
Қостанайда бір топ қыз сексуалдық құлдықтан босатылды - Иллюстрациялық сурет © Delfi
Иллюстрациялық сурет © Delfi

Қостанай облысының ІІД-нің Ұйымдасқан қылмыспен күрес басқармасы қызметкерлері 12 қызды сексуалдық құлдықтан құтқарды, - деп хабарлайды Tengrinews.kz тілшісі. 

Полицейлер қыздарды жезөкшелікке тартумен айналысқан қылмыстық топты әшкереледі. Қазіргі кезде 24 және 31 жас аралығындағы алты күдікті ұсталды. Олардың арасында екі қыз бар. 

"Олар таныстары арқылы қорғансыз, ақшаға мұқтаж және баспанамен қиындықтары бар қыздарды іздеген. Қыздармен танысып, оларды пәтерге шақырып, ішімдік ішкізген. Осыдан кейін оларды қорқытып жезөкшелікпен айналысуға мәжбүрлеген", - дейді полицейлер. 

Осындай жолмен олар 12 қызды (18 бен 32 жас аралығы) жезөкшелікке тартқан. 

"Осыдан кейін бірден құжаттарын тартып алып отырған. Көбі толық емес отбасынан, үш қыз жетімдер үйінің түлегі болғандықтан, мүлде жақындары жоқ. Кей уақыттары қыздарға туыстарына қоңырау шалуға рұқсат беріп отырған. Алайда жандарында отырып, қатаң бақылап отырған", - дейді ІІД өкілдері. 

Қазіргі кезде ҚР ҚК-нің 308, 309, 262-баптың 1,2-тарауы бойынша төрт бірдей қылмыстық іс қозғалды. Сонымен қатар, ҚР ҚК-нің 126 және 128-бабымен қарастырылған қылмыстық іс белгілері қарастырылып отыр. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай