Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Қостанайда нәрестені тірідей көмуге берген дәрігерлер жазаланды

18 Наурыз 2014, 20:54
0
Жаңа туылған нәресте.  ©РИА Новости
Жаңа туылған нәресте. ©РИА Новости
Ата-анасына жаңа туған шақалақты тірідей көмуге берген дәрігерлер қызметінен босатылуға дейін жазаланды. Бұл туралы Tengrinews.kz тілшісіне Меңдіқара аудандық ауруханасының бас дәрігері Марина Гизбрехт хабарлады. Оның айтуынша, ауруханада қызметтік тексеру жүргізілген.

Оның хабарлауынша, нәрестені тірідей көмуге жол бере жаздаған аурухананың бірқатар қызметкерлері әкімшілік жауапкершілікке тартылған. Бас дәрігер 2014 жылдың 6 наурызында ауруханада шақалақ тіршілік нышанынсыз туылғанын хабарлады. "Босанғаннан кейін арада екі сағат өткенде табандап қолқа салғаннан кейін ол ата-анасына берілген. Ауруханадан шыққаннан кейін жолай нәресте денесінде тіршілік нышаны пайда болған. Ата-анасы оны дереу облыстық балалар ауруханасына жеткізген. Алайда арада үш күн өткен соң, 9 наурызда нәресте шетінеп кеткен", - дейді Гизбрехт.

Еске сала кетейік, бұл жанжал Қостанай облысының прокуроры Марат Қаибжановтың мәлімдемесінен кейін белгілі болған. Дәрігерлер "шақалақ өлі туылды" деп нәрестені ата-анасына берген. Сол кезде дәрігерлер мерзімінен бұрын босануды қабылдағаны хабарланған. Нәрестені тірідей көму қаупі төнген. Прокуратураның мәліметінше, қазір бұл фактіге қатысты қылмыстық іс қозғалған, тергеу амалдары жүргізілуде. Қостанай облысында дәрігерлердің салақтығынан 2013 жылы барлығы 12 қылмыстық іс қозғалған.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай