Қызылордада жанармай құюшыға баспен соққы жасаған ер адам сотталды

18 Сәуір 2017, 11:05
0
Қызылордада жанармай құюшыға баспен соққы жасаған ер адам сотталды - © Tengrinews.kz
© Tengrinews.kz

Қызылорда қаласының №2 сотында бұзақылық жасаған ер адамға қатысты сот үкімі шықты, - деп хабарлайды Tengrinews.kz тілшісі қалалық №2 соттың баспасөз қызметіне сілтеме жасап.

Сот материалдарына қарағанда, ер адам жанармай құю бекетіне тоқтап, май құюшыға 1 000 теңге жанармай құюға тапсырыс берген. Сондай-ақ, ол оған "неге сыртта тұрмайсың, не үшін айлық алып отырсың" деп айтқан. Ал жәбірленуші оның айтқан сөздеріне мән бермей кетіп бара жатқан. Сол кезде ер адам оны тоқтатып, жағасынан ұстап тұрып бет-тұсынан бір мәрте өзінің басымен соққы жасаған. Содан екінші ер адам жеңіл дәрежедегі дене жарақатын алған", - деп хабарлады соттағылар. 

Жәбірленуші сотта берген жауабында сотталушыға кешірім бермейтінін және сотталушыға заңға сай жаза тағайындауды сұраған.

Сот үкімімен сотталушы ҚР Қылмыстық кодексінің 293-бабының 1-бөлігі бойынша кінәлі деп танылып, 1 жыл мерзімге бас бостандығынан шектеу жазасы тағайындалып, оған қатысты пробациялық бақылау орнатылды.
Үкім заңды күшіне енбеген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай