Маңғыстау облысында ер адам таныс әйелінің пәтер есігін өртеп жіберді

18 Қаңтар 2015, 19:06
0
Маңғыстау облысында ер адам таныс әйелінің пәтер есігін өртеп жіберді - ©REUTERS
©REUTERS

Маңғыстау облысында ер адам өзін ренжіткен әйелдің пәтері мен дүкенінің есігін жағып жіберді, - деп хабарлайды "Лада" құқық қорғау органдарына сілтеме жасап.

Оқиға Бейнеу ауылында болды. 43 жастағы әйел танысының өзінің жеке мүлкін бүлдіргенін айтып, арызданған. Әйел 32 жастағы танысының пәтері мен азық-түлік дүкенінің есігін жағып жібергенін және терезелерін сындырып, қашып кеткенін айтты.

Ұсталған ер адам өз кінәсін мойындады. Бірақ ол не үшін бұл іске барғанын айтудан бас тартты. Ер адам әйелдің бұдан да артық жазаға лайық екенін айтты. Осы дерекпен полиция бөтен адамның мүлкін бүлдіруге байланысты баппен қылмыстық іс қозғады. 

Сонымен қатар, дәл осы баппен Ақтау қаласының 41 жастағы тұрғынына қатысты іс қозғалды. Ол 22 жастағы көршісінің көлігінің терезесін сындырды. Жігіттің айтуынша, олар аулада көлік тұрағына таласып қалған. Болжам бойынша, ер адам осы себепті тас алып, "ВАЗ-21099" автокөлігіне лақтырған. 

Зардап шеккен адам материалдық шығынның 15 мың теңге болғанын мәлімдеді. Қазіргі уақытта осы дерек бойынша тергеу жүргізіліп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай