1. Басты
  2. Біл
  3. Оқиға
  4. Тосын жай

Маңғыстауда өртенген машина шекарашылардың көлігі болып шықты

© lada.kz © lada.kz

Маңғыстау облысында өртеніп кеткен жүк көлігі шекара қызметіне тиесілі болған, - деп хабарлайды "Лада" порталы.

Жүк көлігінің Ақтау - Форт-Шевченко тас жолының 38-шақырымында түгі қалмай жанып кеткені белгілі. Өрт туралы хабар өрт сөндіру қызметіне 10 қазан күні сағат 09.42-де түскен. Өрт сөндірілгеннен кейін HOWА жүк көлігінің ҚР ҰҚК 2025 әскери бөліміне тиесілі екені анықталды. Сонымен қатар, жүк көлігінің Ақтаудан Бейнеуге азық-түлік пен киім-кешек тасымалдағаны белгілі болып отыр. Өрттің неден шыққаны әзірші белгісіз. Зардап шеккендер жоқ.

Еске сала кетейік, бұған дейін куәгердің Маңғыстау облысында жүк көлігінің өртенген сәтін видеоға түсіріп алғаны хабарланған болатын. Тілсіз жау көліктің кабинасынан басталып, кейін барлық жерді жайпаған. 

ШҚО-да ұшақ өртенді