Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Маңғыстауда прокурор орынбасарының қатысы бар жол апатынан 2 адам қайтыс болды

02 Қазан 2014, 15:08
0
Фото Тұрар Қазанғапов ©
Фото Тұрар Қазанғапов ©

Маңғыстау облысында прокурор орынбасарының қатысы бар жол-көлік оқиғасынан екі адам қайтыс болды, - деп хабарлайды "Лада". Айта кетейік, жол апаты 25 қыркүйек күні болған, алайда бұл туралы енді ғана белгілі болып отыр. 

Ақтау - Жаңаөзен тас жолында Toyota мен ВАЗ көлігі соқтығысқан. Апат салдарынан алған дене жарақатынан оқиға орнында ВАЗ көлігінің жүргізушісі мен жолаушысы қаза тапты. Тағы бір жолаушы ауруханаға жатқызылған. Ал Toyota көлігін Қарақия ауданы прокурорының орынбасары басқарған, нақ сол кезде ол өз қызметтік міндетін атқарып жүрген. Оның сол жақ сан сүйегі жабық сынып (шытынап сыну), жамбас сүйегі сынып, басқа да дене жарақатымен ауруханаға жатқызылған. Toyota көлігінің жолаушылары алғашқы медициналық көмектен кейін үйлеріне жіберілген. 

Маңғыстау облыстық ІІД бұл жол-көлік оқиғасы дерегіне қатысты қылмыстық іс қозғады. "Қазіргі таңда департамент жол апатына кінәліні анықтау үшін алдын ала тергеу жұмыстарын жүргізуде, сот-автотехникалық, сот-медициналық, химико-токсикологиялық сараптама тағайындалды. Тергеудің басқа да қажетті шаралары жүргізілуде", - деп хабарлады облыстық ІІД баспасөз қызметінің жетекшісі Әлия Шермағамбетова.  

Бұдан бөлек, Маңғыстау облыстық прокуратурасы жол-көлік оқиғасына байланысты қызметтік тексеру жүргізуде. Toyotа көлігінің жүргізушісі қызметінен босатылды. Алдын ала тергеу барысында анықталғандай, прокурор орынбасары жол апаты кезінде ішімдік ішпегені дәлелденді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай