Маза бермейтін такси жүргізушілеріне 2,5 миллион теңге көлемінде айыппұл салынды

13 Шілде 2016, 15:39
0
Маза бермейтін такси жүргізушілеріне 2,5 миллион теңге көлемінде айыппұл салынды - © izvestia.ru
© izvestia.ru

Жыл басынан бері көлік полицейлері маза бермейтін такси жүргізушілеріне 2,5 миллион теңгеден аса көлемде айыппұл салды, - деп хабарлайды Tengrinews.kz тілшісі көліктегі ІІД баспасөз қызметіне сілтеме жасап. Сонымен қатар, көліктегі ІІД әкімшілік полиция басқармасының қызметкерлері бірнеше ай ішінде 242 такси жүргізушісін әкімшілік жауапкершілікке тартқан. Ал азаматтарға маза бермеген сегіз жүргізуші әкімшілік қамауға алынады.

"Биыл 12 шілдеде полицияға Алматы әуежайынан 33 жастағы әйел хабарласып, белгісіз бір адамның әуежай аумағында маза бермей, такси қызметін ұсынғаны туралы хабарлады. Жедел-іздестіру шаралары барысында полицейлер Алматы қаласының 1977 жылы дүниеге келген тұрғынын ұстады. Құқық бұзушыға қатысты ҚР Әкімшілік құқық бұзушылық туралы кодексінің 437-бабы бойынша ("Қоғамдық орындарда азаматтарға тиісу") әкімшілік хаттама толтырылды", - деп хабарлады көліктегі ІІД баспасөз қызметіндегілер.

Сонымен қатар, көлік полициясындағылар осы жыл ішінде азаматтарға маза бермейтін такси жүргізушілерінің әрекеттері қайталанатын жағдайда әкімшілік жаза қолданылатынын ескертті. Яғни, құқық бұзушыларға 10 айлық есеп көрсеткішінде айыппұл салынады немесе 5 тәулікке дейін қамауға алынады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай