1. Басты
  2. Біл
  3. Оқиға
  4. Тосын жай

Министр Астана әуежайында жолақтан шығып кеткен ұшаққа қатысты пікір білдірді23 мамыр 2018, 19:22

© facebook.com/caakaz/ © facebook.com/caakaz/

ҚР Инвестиция және даму министрі Жеңіс Қасымбек Астанадағы ұшаққа қатысты оқиғаға байланысты пікір білдірді, - деп хабарлайды Tengrinews.kz.

"Расымен де түскі уақытта Шымкент - Астана рейсіндегі Air Astana әуе кемесіне қатысты авиациялық төтенше жағдай болды. Әуе кемесі жолақтан шығып кетіп, қозғалтқышы жолдың шетіне соғылған. Бұл ұшақтың қонғаннан кейінгі болған жағдай. Ұшақ сәтті қонған", - деді министр халық алдындағы есептік кездесуі кезінде. 

"Кеше метеожағдай қиындау болды, дауыл соқты. Министрліктен комиссия құрылды. Әзірге нәтижесі жайлы айта алмаймын - нақты шешім шығуы үшін уақт қажет. Барлық нұсқалар қарастырылады: техникалық қиындықтар, адамдық фактор және "Қазаэронавигация" жұмысы және әуежай қызметінің жұмысы тексеріледі", - деді министр. 

Қасымбектің айтуынша, нақты шешім комиссияның қорытындысы бойынша жарияланады. 

Еске салайық, Азаматтық авиация комитеті мәліметінше, Астана әуежайында "Эйр Астана" әуекомпаниясының Шымкент - Астана KS352 рейсінің Airbus-320 ұшағы қону кезінде ұшып-қону жолағынан шығып кеткені хабарланған. Бортта 97 жолаушы және 9 экипаж мүшесі болды. Әуе кемесі тұраққа жеткізілді. Қозғалтқышқа зақым келген. 

Аэродром 13 сағат 30 минуттан 14 сағат 10 минутқа дейінгі аралықта жабылды. Қазір әуежай штаттық тәртіпте жұмыс істеп тұр.