Мұз қалашықты соғып кеткені үшін жүргізу куәлігінен айырылды

15 Қаңтар 2015, 16:24
0
Мұз қалашықты соғып кеткені үшін жүргізу куәлігінен айырылды - ©Ledovydom.ru
©Ledovydom.ru

Қостанай облысында мұз қалашықты соғып кеткен жүргізуші жүргізу куәлігінен айырылды, - деп хабарлайды "Алау".

Оқиға 4 қаңтарда Лисаковскте болды. Облыстық соттың баспасөз қызметінің мәліметінше, жүргізуші рульге ие бола алмай қалып, мұз қалашықтың қоршауын соққан. Бұдан кейін ол оқиға орнынан қашып кеткен. Сот отырысында ер адам өз кінәсін толықтай мойындады. Ол сотқа әкімшілік құқықбұзушылықты бірінші рет жасап отырғанын, осыған байланысты қорқып, сасып қалғандықтан оқиға орнынан кетіп қалғанын айтты.

"Істі қарағаннан кейін Лисаковск қалалық соты ер адамды әкімшілік құқықбұзушылық жасағаны үшін әкімшілік жауапкершілікке тартты", - делінген облыстық соттың баспасөз хабарламасында.

Мұнымен қатар, жүргізушіге бір жыл мерзімге көлік жүргізу құқынан айыру түріндегі әкімшілік айыппұл салынды. Соттың үкімі заң күшіне енген жоқ - жүргізуші 15 күн ішінде шағым бере алады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай