+7 (777) 001 44 99
ПОДЕЛИТЬСЯ
Павлодарда жол апатынан кейін болған төбелестің видеосы жарияланды, - деп хабарлайды Tengrinews.kz тілшісі. Оқиға орнында болған жағдайды куәгерлер видеоға түсіріп алған. Жол-көлік оқиғасы Естай мен Қатаев көшелерінің қиылысында болды.
Павлодарда жол апатынан кейін болған төбелестің видеосы жарияланды, - деп хабарлайды Tengrinews.kz тілшісі. Оқиға орнында болған жағдайды куәгерлер видеоға түсіріп алған. Жол-көлік оқиғасы Естай мен Қатаев көшелерінің қиылысында болды.
Видеода авто жүргізушісі қатты жылдамдықпен қиылыста солға бұрылып, қарама-қарсы бағытта келе жатқан көлікті соғады. Бетпе-бет соқтығысқан көліктер сол жерде тоқтай қалады. Бірнеше секундтан соң екінші автокөліктің салонынан бір жолаушы шығып, жол апатына кінәлі жүргізушіге жұдырық ала жүгіреді.
Артынан шыққан ер адам оны тоқтатпақшы болады, алайда ол екі рет соққы дарытып, бір рет теуіп үлгерген. Осы кезде оқиға орнына полиция автокөлігі келеді.
Посмотреть эту публикацию в Instagram
Бірнеше сағаттың ішінде видео 20 мыңнан аса қаралған. Көптеген пікір қалдырушылар шабуылдаған жолаушының жағына шығып, өздері де солай істейтінін айтты. Кейбіреулері жол апатына кінәлі авто жүргізушісі мас күйде көлік жүргізгенін немесе телефонмен сөйлесіп отырып, байқамай қалған болуы мүмкін деген болжам жасады.
Осы оқиғаның мән-жайы әзірге белгісіз. Tengrinews.kz тілшісінің сауалхатына өңірлік полиция департаменті баспасөз қызметінің өкілдері видеоға байланысты тексеру жүріп жатқанын айтты. Оқиғаның мән-жайы кейінірек айтылатын болып уәде етілді.
