Павлодарда қоғамдық көліктің жүргізушісі өз өміріне не себепті қол салғаны белгілі болды

28 Наурыз 2017, 21:32
0
Павлодарда қоғамдық көліктің жүргізушісі өз өміріне не себепті қол салғаны белгілі болды - © tengrinews.kz
© tengrinews.kz

Павлодарда қоғамдық көліктің жүргізушісі өз өміріне не себепті қол салғаны болжаммды түрде белгілі болды, - деп хабарлайды Tengrinews.kz тілшісі. Полицейлер ер адамның әйелімен ұрысып қалғаннан кейін, өзіне қол жұмсаған болуы мүмкін екенін айтады. Сотқа дейінгі тергеу шаралары барысында осы отбасында жағдай ушығып тұрғаны анықталды. "Қайтыс болған ер адамның әйелі ажырасуға арыз берген. 2 наурызда сот отырысы болған, сол кезде отбасына татуласуы үшін бір ай уақыт берілген. 20 наурызда ерлі-зайыптылар арасында қайтадан жанжал шыққан. Әйелінің айтуынша, сол күні ол балаларын алып туыстарының үйіне кетіп қалған, ал күйеуі үйінде қалған", - дейді полицейлер.

Сонымен қатар, әйел адамның айтуынша, егер ажырасып кететін болса оның күйеуі бірнеше мәрте өзіне қол жұмсайтыны туралы айтқан. Қайтыс болған ер адам "Рас" ЖШС автопаркінде жүргізуші болып жұмыс істеген.

"Біз онымен он жылдан бері бір автопаркте жұмыс істеп келеміз. Жақсы жігіт, ұқыпты жүргізуші. Жұмыста ешкіммен жанжалдасып, ұрысқанын көрмедік. Отбасын қатты қадірлейтін, әйелі мен балаларын жақсы көретін, - деді қайтыс болған ер адамның әріптесі.

 

Қайтыс болған ер адамның микроавтобусы. © tengrinews.kz

Еске салайық, Павлодардың 38 жастағы қала тұрғыны көлік кәсіпорнына тиесілі микроавтобустың салонында өзіне қол жұмсаған.

"Суицид белгілері бар ер адамның мәйіті №4 бағыттағы микроавтобустың ішінен табылды. Көлік Павлов көшесіндегі аулада тұрған. Ер адам жүргізуші орнында қауіпсіздік белбеуіне асылып қалған. Қажетті сараптамалар тағайындалды, Тергеу жүріп жатыр", - дейді полицейлер. 

Бұл дерекке байланысты "Өзіне қол салуға дейін жеткізу" бабы бойынша сотқа дейінгі тергеу басталды. Ер адамның артында әйелі мен екі баласы қалған.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай