Павлодарға бара жатқан пойызда жолаушы қайтыс болды

31 Тамыз 2018, 16:23
0
Павлодарға бара жатқан пойызда жолаушы қайтыс болды - © ҚТЖ
© ҚТЖ

31 тамызға қараған түні Астанадан Павлодарға бағытталған пойызда жолаушы қайтыс болды, - деп хабарлайды Tengrinews.kz тілшісі.

"Біз отбасымызбен көрші вагонда болғанбыз. Павлодарға дейін жиырма минуттық жер қалған, кенеттен пойыздың қызметкерлері дыбыстық хабарлама жіберіп, арамызда дәрігер болса көрші вагонға өтуін сұрады. Содан кейін ол вагонға бір әйелдің беттегенін көрдім. Қызметкерлер жүгіріп кетті. Біреудің жағдайының қиындағаны түсінікті болды. Пойыздан шыққан соң жедел жәрдем көлігі мен дәрігерлерді көрдік, сөйтсек, бір жолаушы қайтыс болыпты", - деді куәгерлердің бірі. 

Жолаушының қаза болғандығы жайлы ақпаратты Павлодар облысының денсаулық сақтау басқармасының баспасөз қызметі растады. Қаза тапқан жолаушы Павлодар қаласының тұрғыны.  

"Қоңырау 00.46-да түсті. 00.57-де жедел жәрдем қызметкерлері Павлодар қаласының теміржол вокзалында болды. Павлодар-Астана пойызының 1939 жылы туған жолаушысы жедел жәрдем келгенше көз жұмған. Азамат жүректің ишемиялық ауруымен ауырған. Оқиғаның мән-жайы анықталып жатыр", - деп хабарлады облыстың денсаулық сақтау басқармасының баспасөз қызметі. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай