Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Павлодарлық жас футболшы жүрек талмасынан қайтыс болды

30 Шілде 2014, 21:44
0
Сурет  vesti.kz сайтынан алынған
Сурет vesti.kz сайтынан алынған

Павлодарда 15 жасар футболшы жаттығу кезінде жүрек талмасынан қайтыс болды, - деп хабарлайды Tengrinews.kz тілшісі.

"Иртыш" спорт клубының директоры Серік Досановтың айтуынша, Сот-медициналық сараптама қорытындысы "Иртыш" балалар футбол орталығы ойыншысының өлім себебі күшті жүрек жетіспеушілігі болғанын анықтады. Футбол клубы жетекшісі Николай Раздобудьконың айтуынша, қайғылы оқиға "Жұлдыз" стадионында болған. "Жаттығу кезінде ол өзін нашар сезініп, құлап қалды. Спопрттық дәрігерлер алғашқы көмек көрсетті, алайда оның қан қысымы төмендеп, жүрек соғысы әлсірей бастады. Біз сол сәтте-ақ жедел жәрдем шақырдық, бірақ баланың өмірін сақтап қалу мүмкін болмады" дейді Раздобудько.

"Жүрекке күш түсетіндей, жаттығу ауыр болған жоқ. Бұған дейін ол бала ойындарға, жарыстарға қатысып жүрген. Ол бес жылдан бері футболмен айналысып келген еді. Дәл сол күні жастар арасындағы Қазақстан чемпионаты ойынына дайындалып жатқан болатын. Бұл біз үшін өте үлкен қайғы" дейді Раздобудько. Оның сөзіне қарағанда, биыл орталықтың барлық тәрбиеленушілері тереңдетілген медициналық тексеруден өткен. Оның ішінде жүрек УЗТ-і де бар. Баланың денсаулығында еш кінәрат болмаған. Сондай-ақ сол күні де ол өзін өте сергек сезініп жүрген. Ешқандай жарақат та алмаған.

Прокуратураның мәліметіне қарағанда, полиция аталмыш оқиғаға байланысты тексеру шараларын жүргізіп жатыр.

15 жастағы жасөспірім футбол алаңынан ауруханаға клиникалық өлім жағдайында жеткізілген. Арадан бір сағат өткенда қайтыс болған. Бала жыл сайын медициналық тексеруден өтіп жүрген. Спортпен шұғылдануға рұқсат алған. Жаттықтыру кезінде ешқандай жарақат алмаған. Ол жақсы нәтиже көрсетіп, болашағынан үміт күттірген бала болған.

Бұл павлодарлық жас спортшылардың қайтыс болуының бірінші жағдайы емес. Осы жылдың мамыр айында Екібастұзда жаттығу жекпе-жегі кезінде 14 жастағы боксшы Қуаныш Жұмабай комаға түсіп қалған болатын. Жасөспірім Қазақстан чемпионаты жарысына қатысуға дайындалып жатқан. Белгілі болғандай, жаттығу кезінде қарсыласының іштен тиген соққысынан кейін ол есінен танып қалған. Дәрігерле онымен қоса бас миына зақым келгенін айтқан. Жарақат ауыр болып, бас сүйегін ашу қажет болған. Алайда дәрігерлердің әрекеті нәтиже бермеген. Жасөспірім есін жимастан көз жұмған.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай