Петропавл полициясы шетелдік азаматты Калашников автоматынан оқ атып тоқтатты

28 Сәуір 2014, 21:09
0
Петропавл полициясы шетелдік азаматты Калашников автоматынан оқ атып тоқтатты - Калашников автоматы. Бейтарап фото
Калашников автоматы. Бейтарап фото

Петропавл ІІБ-на баса-көктеп кірмек болған шетелдік азаматты тоқтату үшін полиция қызметкерлері Калашников автоматын қолданды, - деп хабарлайды Tengrinews.kz тілшісі СҚО ІІД-не сілтеме жасап.

Полицияның мәлімдеуіне қарағанда, бұл оқиға 26 сәуір күні сағат 11-дің кезінде болған. Өзбекстан азаматы құқық қорғау органдарының қызметкерлеріне өзінің кім екендігін айтып, полиция ғимаратының ішіне кірмек болады. Бақылау-өткізу бекетінде тұрғандар оны ішке өткізбейді. Оларға әлгі адам бой бермейді.

"Қызметте тұрған полиция қызметкерлеріне бой бермей, оларға қарсылық көрсеткен азаматты ұстау барысында табельдік қару – Калашников автоматынан бірнеше ескерту оқ атылды", - деп түсіндірген СҚО ІІД-нің баспасөз қызметі.

Осы факт бойынша "Билік өкілдеріне қатысты күш қолдану" бабына сәйкес қылмыстық іс қозғалғандығы мәлімденген. Сабасына түсіру үшін полиция қызметкерлері Калашников автоматын қолдануға мәжбір болған шетелдік Петропавл ІІБ-ның уақытша ұстау изоляторына қамалаған.

Баса-көктеп кіріп кетпек болғаны үшін ол адам 5 жылдан 10 жылға дейiн бас бостандығынан айырылуы да мүмкін. Өзбекстан азаматының Петропавлға жол жөнекей тоқтап, Ресей Федерациясына кетіп қалмақ болғандығы анықталған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай