Петропавлда жол апатынан зардап шеккен қыз 11 күн комадан кейін қайтыс болды

26 Қыркүйек 2018, 14:12
0
Петропавлда жол апатынан зардап шеккен қыз 11 күн комадан кейін қайтыс болды - видеодан үзінді
видеодан үзінді

Петропавлда Lexus жүргізушісі қағып кеткен екі қыздың біреуі қайтыс болды, - деп хабарлайды Tengrinews.kz тілшісі Солтүстік Қазақстан облыстық денсаулық сақтау басқармасының баспасөз қызметіне сілтеме жасап. 

Жол-көлік оқиғасы қыркүйектің ортасында Петропавл орталығында болған еді. Қыздарды көлік қағып кеткен сәтте түсірілген видео әлеуметтік желіде жарияланған еді. Оларды әр түрлі дене жарақатымен ауруханаға жеткізген еді. 25 жастағы Ксения - екі жасар қыздың анасы - комаға түскен еді. 

"Бүгін таңертең ол қайтыс болды. Екінші қыз ауруханаға түскеннен кейін екінші күні қарапайым палатаға ауыстырылды, оның жағдайы жақсы", - деді басқарма баспасөз қызметінің өкілдері. 

Осыған дейін, қыздарды қағып кеткен Lexus жүргізушісі Қазақстан шекарасын жаяу кесіп өтіп, Ресейге қашып кеткені туралы хабарланды. 

Сотқа жіберілген іс материалдары бойынша, 15 қыркүйекте таңғы 04:27-де Старухин И.В. мас күйінде көлік жүргізіп, жаяу жүргіншілерді қағып кеткен. Осы дерекке қатысты және жол апаты болған жерден кетіп қалғаны үшін оған қатысты қылмыстық іс қозғалған. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай