Полицейлерден қашқан көкшетаулық азамат қолын сындырып алды

03 Желтоқсан 2015, 11:29
0
Полицейлерден қашқан көкшетаулық азамат қолын сындырып алды - © medikmy.ru
© medikmy.ru

Көкшетауда ІІД қызметкерлерінен жасырынбақшы болған ер адам қолын сындырып алды, - деп хабарлайды Tengrinews.kz тілшісі.

Ақмола облыстық ІІД баспасөз қызметі мамандарының айтуынша, оқиға кеше, 2 желтоқсанда орталық базар маңында болған. ІІД қызметкерлерін оқиға куәгерлері шақырыпты, ішімдікке сылқия тойып алған ер адам өткен-кеткендерге маза бермеген. Кейбір куәгерлердің мәлімдеуінші, ол киімдерді жан-жаққа лақтырып, шалбарын шешуге тырысқан.

"Ол сырт киімдерін лақтырып, үстінде трико мен футболкасы ғана қалды. Ол мас күйде болатын, ал алдын ала мәлімет бойынша жүйке жүйесінде ауытқушылық болған. Ер адам 1984 жылғы", - деді баспасөз қызметіндегілер.

ІІД қызметкерлері оқиға орнына жеткенде оның қашуға бел буғаны анықталды. "Ол қоғамдық тәртіпті бұзды, бірақ көнбей, қашуға тырысты. Алайда ол құлап, қолын сындырды және куәгерлер бар. Қазіргі таңда ер адам Ақмола облыстық ауруханасында жатыр. Шыға салысымен оған әкімшілік шара қолданылатын болады", - деп түсіндірді ведомстводағылар. 

Көкшетау жедел жәрдем станциясының қызметкерлері Tengrinews.kz тілшісіне олардың бригадасы орталық базар аумағына қолы зақымданған ер адамға көмек көрсету үшін шақыртылғанын айтты. Бірақ барлық сұраққа жауап беруден бас тартты, осыдан кейін ер адамды ауруханаға алып кетті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай