Сарбаз сүйегін әкеле жатқан әскерилер апатқа ұшырады

30 Маусым 2014, 17:14
0
Сарбаз сүйегін әкеле жатқан әскерилер апатқа ұшырады - ©Auto43.ru
©Auto43.ru

Әскерде қайтыс болған сарбаздың сүйегін Көкшетаудан Қызылордаға апара жатқан әскери қызметшілер тобы жол-көлік оқиғасына ұшырады, - деп хабарлайды СТВ телеарнасы.

Алдын ала мәлімет бойынша шағын автобус жүргізушісі рульде қалғып кеткен. Жол ауыр болғанға ұқсайды, бұған дейін топ екі тәулік бойы жолсызбен жүрген. Жол апаты салдарынан бір адам оқиға орнында қайтыс болды, тағы төрт адам ауруханаға жатқызылды. Олардың бірі жан сақтау бөлімінде көз жұмды. Дәрігерлердің айтуынша, басқаларының жағдайы жақсы. Олардың бірнеше жерден сүйегі сынған.

Қазір апаттың себебі анықталып жатыр. Сарбаздың мәйіті Қызылордада туыстарына берілді. Әскери бөлімде оның өліміне қатысты тексеру жүріп жатыр. 

Мамыр айында Қызылорда облысында жол апатынан 10 адам қайтыс болған еді. "Батыс Еуропа - Батыс Қытай" тас жолында шағын автобус Toyota Land Cruiser Prado көлігімен соқтығысты. Алдын ала мәлімет бойынша жол-көлік оқиғасына шағын автобустың жүргізушісі кінәлі, бірақ куәгерлер оқиғаға екінші көлік жүргізушісінің себепкер екенін айтады.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай