Семейде куәгерлер жүкті әйелді қағып кеткен жүргізушіге тап берген

25 Тамыз 2017, 15:40
0
Семейде куәгерлер жүкті әйелді қағып кеткен жүргізушіге тап берген - Видеодан алынған кадр
Видеодан алынған кадр

Семейде куәгерлер жаяу жүргінші жолында жүкті әйелді қағып кеткен жүргізушіге тап берген, - деп хабарлайды Tengrinews.kz тілшісі. 

Оқиға 24 тамызда адамдар көптеп жүретін Қабанбай көшесінің бойында болған. Жүкті әйел жаяу жүргінші жолымен өтіп бара жатқан. Оны өткізу үшін көліктердің бірі тоқтайды, ал келесі жолақпен келе жатқан көлік жылдамдығын азайтпастан әйелді қағып кеткен. 

Бұл жағдайға куә болғандар ашуын ұстай алмаған. "1984 жылы туған жургізуші тоқтап, әйелдің қасына бармақ болған. Осы кезде оған куәгерлер тап берген. Ол шошығаннан қаша жөнелді де, кейін келді. Бұл дерекке қатысты бірден әкімшілік хаттама толтырылып, сотқа жолданды", - делінген полицияның хабарламасында. 

Әйел адам ауыр жарақаттар алды - мидың шайқалуы мен бел омыртқасының жарақаты. Әйелді жедел жәрдем алып кетті. Оның жүктілігіне 19-20 апта болғаны анықталды. Қазір ол ауруханада жатыр және полицияға әлі арыз түсірмеген. Дегенмен бұл жағдай сотта қаралатын болды. 

Видео YouTube видеохостингінде жарияланды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай