+7 (777) 001 44 99
ПОДЕЛИТЬСЯ
Шахтинскте 2 жасар қыз аттракционда қаза тапты, - деп хабарлайды "Новый вестник".
Шахтинскте 2 жасар қыз аттракционда қаза тапты, - деп хабарлайды "Новый вестник".
Оқиға Шахтинск Орталық саябағында болған. Қала прокуратурасының хабарлауынша, екі жастағы Варвара Переседова әжесімен бірге қыдырып жүрген. Қыз аққу бейнесіндегі әткеншекке қызыққан. "Қыз әжесінен қашып әткеншекке қарай жүгіре жөнелді. Бақылаушы оны ұстап алмақ болды, дегенмен ол қоршаудан өтіп кетіп қозғалып тұрған әткеншекке барып соғылды", - деді Шахтинск қаласы прокурорының көмекшісі Ерлан Зайыр. Қыз бірнеше жарақат алып, соның салдарынан көз жұмды. Осы дерек бойынша тергеу амалдары жүргізіліп жатыр. Қауіпсіздік шараларының сақталуы тексеріліп жатыр.
Еске сала кетейік, 2012 жылы Алматыда Горький атындағы Орталық саябақта осыған ұқсас жағдай болған еді. ТЖМ хабарлауынша, 15 шілдеде бес жастағы қыз абайсызда әткеншекке құлап кеткен. Ол түрлі жарақатпен ауруханаға жеткізілді.
